"№1 көпбейінді қалалық балалар ауруханасы" ШЖҚ МКК  2022 жылғы 4 маусымда Балаларды Қорғау Күніне және балалар жылына арналған «Ашық есік күні» өтті. Осындай іс-шара аурухана қабырғасында алғаш рет өткізіліп отырған жоқ, осындай іс-шаралардың арқасында ерте кезеңдерде ақаулар анықталып, диагноз қойылды. Балаларды "АстМУ" КЕАҚ иммунология, гематология және эндокринология курсымен қаладағы ең сұранысқа ие арнайы мамандандырылған дәрігерлер мен балалар аурулары кафедрасының профессорлық-оқытушылық құрамы қабылдады, оларға қарапайым күндерде кіру оңай емес. Бұл мамандар: невропатолог, гематолог, ревматолог, аллерголог, педиатр, неонатолог, пульмонолог, гастроэнтеролог, эндокринолог, нефролог.

Кішкентай пациенттер дәрігерлердің кеңесінен басқа аспаптық зерттеу әдістері мен зертханалық диагностикадан өте алды. Бұл акция туралы хабарлама әлеуметтік желілерде, WhatsApp чаттарында алдын ала таратылды. Осының арқасында бүгін қысқа уақыт ішінде ауруханаға бір рет барған кезде бір науқас өзіне қажетті бірнеше маманнан өте алды.

Науқастарға 320-дан астам консультативтік көмек көрсетілді, тек бір дәрігер невропатолог 68 науқасты қабылдады. 30-дан астам аспаптық зерттеулер және 50-ден астам зертханалық зерттеулер жүргізілді.

Бұл іс-шара ата-аналардың назарын балаларының денсаулығына аудару мақсатында өткізілді, өйткені дәрігерлер ерте диагностикалау және диагноз қою аурудың болжамында және баланың жалпы өмірінде үлкен рөл атқаратынын түсінеді.