Жаңа жыл – ғажайып мереке. Бұл күні барлық ересектер мен балалар жаңажылдық ғажайыпты, тілектердің орындалуын және таңғажайып сыйлықтарды күтеді.

Жаңа жыл қарсаңында, 20 желтоқсан күні «Қамқорлық» оңалту орталығында балаларға арналған жаңа жылдық ертеңгілік өтті. Мерекеге, балаларды құттықтауға Аяз Ата, Ақшақар, Мыстан кемпір, сондай-ақ басқа да ертегі кейіпкерлері келді. Балаларға арналған жаңа жылдық қойылымдар мен байқаулар ұйымдастырылып, қызықты ойын-сауық бағдарламасы дайындалды. 

Сондай-ақ, балаларға жаңа жылдық ертеңгілікте Аяз Ата мен Ақшақар тәтті сыйлықтар табыс етті.

Барлық ата-аналар мен балаларды келе жатқан Жаңа жылмен шын жүректен құттықтаймыз және олардың отбасыларына бақыт пен денсаулық тілейміз!