Бүгін 17 қыркүйекте Дүниежүзілік денсаулық сақтау ұйымының халықаралық күндер жүйесінде Дүниежүзілік пациенттер қауіпсіздігі күні (World Patient Safety Day) атап өтілді.

Дүниежүзілік пациенттердің қауіпсіздігі күнінің 2021 жылдағы мақсаттары:

• Аналар мен жаңа туған нәрестелердің, әсіресе босану кезіндегі қауіпсіздік мәселесі туралы әлемдік қоғамдастықтың хабардарлығын арттыру.
• Аналар мен жаңа туған нәрестелердің қауіпсіздігін арттыруға бағытталған тиімді және инновациялық стратегияларды қабылдау және мүдделі тараптардың кең ауқымының қатысуын қамтамасыз ету.
• Медициналық көмекке қолжетімсіз адамдарды қамту үшін  барлық мүдделі тараптарды шұғыл және жүйелі әрекеттерге шақыру және аналар мен жаңа туған нәрестелерге, әсіресе босану кезінде қауіпсіз медициналық көмек көрсетуді қамтамасыз ету.
• Қауіп-қатерді төмендету мақсатында медициналық көмек көрсету орындарында озық практиканы енгізуге қолдау көрсету және босану кезінде барлық әйелдер мен жаңа туған нәрестелерге зиян келтірудің алдын алу.